Berlini në Berlin (Berlin in Berlin) (përkthyer)

Filmin dramatik turko-gjerman Berlin in Berlin e drejtoi në vitin 1993 Sinan Çetin. I xhiruar kryesisht në gjermanisht, filmi përshkruhet si një përzierje zhanresh që herë pas here parodizon filmat mbi problemet e emigrantëve, duke përzier thrillerin, melodramën dhe komedinë. Ka marrë pjesë në Festivalin e 18-të Ndërkombëtar të Filmit të Moskës dhe i ka sjellë Hülya Avşar çmimin për aktoren më të mirë. Tregohet se në vitet kur u xhirua pati sukses të madh në arkë, dhe njëkohësisht u bë i njohur nga çështja gjyqësore e ngritur nga Gökhan Akçura, i cili pretendonte se skenari i ishte vjedhur.

Historia zhvillohet në Berlin, rreth një familjeje turke që jeton në Gjermani prej tre brezash. Mehmetin, që punon si kryepunëtor në ndërtim, e luan Zafer Ergin; gruan e tij, Dilberin, e luan Hülya Avşar. Interesimi i inxhinierit gjerman Thomas (Armin Block) për Dilberin dhe fotografitë që ai i bën fshehurazi çojnë në një ngjarje fatale në kantier. Thomas, i mundur nga ndërgjegja, shkon te familja për të kërkuar falje dhe, sipas zakoneve, konsiderohet mik i Zotit; kurse vëllai i Mehmetit, Mürtüz (Cem Özer), vihet në provë nga zemërimi i tij ndaj familjes dhe traditës. Në kast janë edhe Eşref Kolçak, Aliye Rona dhe Nilüfer Aydan.

Skenarin e kanë shkruar Sinan Çetin dhe Ümit Ünal. Prodhimin e ka marrë përsipër Plato Film i Cemil Çetin dhe Sinan Çetin; drejtore e fotografisë është Rebekka Haas. Në muzikë ka firmën e Nezih Ünen dhe Fahir Atakoğlu.