Əlvida Berlin (Tschick) (tərcümə)

Goodbye Berlin (alman dilində orijinal adı Tschick, Türkiyədəki adı ilə Elveda Berlin), Fatih Akının çəkdiyi 2016-cı il istehsalı alman komediya-dramı və yol filmidir. Wolfgang Herrndorfun 2010-cu il tarixli, 30 ölkədə çap olunan və iki milyondan çox satılan romanından uyğunlaşdırılmışdır; roman ingilisdilli ölkələrdə Why We Took the Car adı ilə nəşr olunmuşdu. Film, alman tənqidçilərdən əsasən müsbət rəylər aldı və Avropa Film Akademiyasının Gənclik Mükafatını qazandı.

Hekayə yay tətilinin əvvəlində, Berlində keçir. Dağılmış, amma varlı bir ailənin 14 yaşlı övladı Maik, anası reabilitasiya mərkəzinə yatanda və atası iş səfəri bəhanəsi ilə yoxa çıxanda evdə tək qalır. Sinif yoldaşı rus mühacir Tschick bir gün qapısında oğurlanmış Lada Niva ilə peyda olur. İki kənarlaşdırılmış yeniyetmə, plansız-proqramsız şəkildə şəhəri tərk edib avtomobillə Almaniyanın şərqini boydan-boya keçərək Valaxiya istiqamətinə yola çıxır. Baş rollarda Tristan Göbel, Anand Batbileg və Mercedes Müller var; Friederike Kempter, Alexander Scheer, Uwe Bohm və Udo Samel də heyətdə yer alır.

Ssenarini Hark Bohm, Fatih Akın və Lars Hubrich birlikdə yazdı. Film təxminən 93 dəqiqə davam edir. Dünya premyerası 12 sentyabr 2016-cı ildə Berlindəki Kino International-da keçirildi; Almaniyada 15 sentyabrda, Türkiyədə 30 sentyabr 2016-cı ildə ekranlara çıxdı. Akının daha əvvəlki filmi Duvara Karşı (2004), Berlinaledə Qızıl Ayı almışdı.