Avropa Yakası (Avrupa Yakası) (tərcümə)

Türkiyə situasiya komediyası Avrupa Yakası 2004-cü il fevralın 11-də atv-də yayım həyatına başladı. Prodüserliyi Sinan Çetinə, ssenari müəllifliyi isə eyni zamanda baş rollardan birini öz üzərinə götürən Gülse Birsele aiddir. Çəkilişlər İstanbuldakı Plato Film studiyalarında aparılmış; 73 ilə 90 dəqiqə arasında dəyişən bölümlərlə altı mövsüm boyunca ekrana gələn serial 2009-cu il iyunun 24-də yayımlanan 190-cı bölümü ilə final etmişdir. Altın Kelebek Ödülleri mərasimində İlin Komediya Seriali seçilən layihənin ilk beş mövsümü bitəndə prodüser şirkət 40 milyon lirə dövriyyəyə və 4 milyon dollar gəlirə çatmışdı.

Hekayə Nişantaşında yaşayan ənənəvi Sütçüoğlu ailəsi ilə Avrupa Yakası adlı qondarma jurnalın işçiləri arasında keçir. Serialın mərkəzində bir tərəfdən xoşuna gələn şık Nişantaşı çevrəsi, çalışdığı moda jurnalı və aşiq olduğu ağ türk bir kişi, digər tərəfdən bu dünyanın tam əksi olan həyat baxışına sahib ailəsi arasında qalan gənc bir qadın yer alır. Ailənin təmtəraqlı, müasir məhəllə həyatına ayaq uydurma cəhdi və iki dünyanın toqquşması serialın komediyasını qidalandıran başlıca mənbədir.

Heyət mövsümdən mövsümə dəyişsə də Gülse Birsel, Gazanfer Özcan, Levent Üzümcü, Şenay Gürler, Hale Caneroğlu, Yavuz Seçkin, Veysel Diker və Yıldırım Öcek bütün mövsümlərdə Sütçüoğlu ailəsinin və jurnal işçilərinin simasına çevrilmişdir. Engin Günaydın üçüncü mövsümdə, Peker Açıkalın, Tolga Çevik, Hasibe Eren və Sarp Apak dördüncü mövsümdə aktyorlara qatılmışdır. Rejissor kreslosunda Jale Atabey və Hakan Algül oturmuşdur.