Cənnət Məhəlləsi (Cennet Mahallesi) (tərcümə)

Cennet Mahallesi, Erler Film şirkətinin istehsalı olan komediya serialıdır. Show TV-də 11 İyun 2004-də başladı, 9 İyun 2007-də 119-cu seriya ilə bitdi və üç sezon davam etdi. Serial 1981-ci ildə göstərilən Gırgıriye filminin serial uyğunlaşdırmasıdır.

Məhəllə İstanbulun kənar məhəllələrindən biridir; rəqs, musiqi və məhəbbətin bol olduğu bir yer kimi təsvir olunur. Hekayənin çıxış nöqtəsi rəqqasə Sultan ilə skripkaçı Ferhatın bir-birinə dəlicəsinə aşiq olmasıdır. İki ailə arasındakı, dörd nəsil əvvələ uzanan düşmənlik bu məhəbbətin önündə dayanır. Bir də bohça satıcısı Pembe var, Sultanın anasıdır; zurnaçı Yunus isə Ferhatın atası. İkisi illər əvvəl sevdalanmış, xoşbəxtlikləri eyni ədavətə ilişmişdir. Serialda Ferhat və Sultan 100-cü seriyada evlənir; Sultan 110-cu seriyada hamilə qalır və qızı Papatya 112-ci seriyada doğulur.

Çağla Şıkel Sultanı, Alişan Ferhat Şentürkü, Melek Baykal Pembeni, Müjdat Gezen Yunusu oynayır. Zeki Alasya Komissar Cemil, Özkan Uğur həm Beter Ali, həm Tunç Gedikoğlu, Turgay Tanülkü Balyoz Muzaffer, Erol Günaydın Kadir Dede, Serhat Özcan Selim Erdağı rolundadır.