Gönül Ülkü Özcan

Gönül Ülkü Özcan — Tərcümeyi-hal

Emine Gönül Özcan (27 mart 1929, İstanbul – 2 noyabr 2016, İstanbul) — türk teatr, kino və serial aktrisası, səsləndirmə sənətçisi.

Gönül Ülkü kiçik yaşda, ailəsinin dəstəyi ilə 1947-ci ildə İstanbul Şəhər Teatrlarının Uşaq Bölməsinə daxil oldu. 1962-ci ildə Gazanfer Özcanla evlənənə qədər Şəhər Teatrlarında çalışan sənətçi daha sonra həyat yoldaşı ilə birlikdə Gönül Ülkü – Gazanfer Özcan Teatrını qurdu. 2002-ci ildəki xəstəliyinə qədər öz teatrlarında çalışdı. 2003-cü ildə yenidən səhnəyə qayıdan sənətçi az sayda kinofilmdə də rol aldı. "Kuruntu Ailesi" (1985–1990) serialında həyat yoldaşı Gazanfer Özcan və ailəsi ilə birlikdə ekranlarda göründü. Sonrakı illərdə bu serial "Hüsnü Bey Amca" (1994–1997) və "Bizim Kuruntu Ailesi" (1997–1998) adları ilə davam etdi və ümumilikdə 13 il ekranda qaldı. "Kuruntu Ailesi" 29 dekabr 1990-cı ildə sona çatdıqdan sonra Gönül Ülkü və Gazanfer Özcan müxtəlif layihələrdə yer aldılar. Gönül Ülkü 1991-ci ildə TRT 1-də yayımlanan "Ben Olsaydım" adlı komediya serialında, 1992-ci ildə isə "Burnumu Keser misiniz?" adlı komediya serialında çəkilmişdir.

Tanınmış teatr aktrisası Gönül Ülkü Özcan 2 noyabr 2016-cı ildə İstanbulda 87 yaşında vəfat etdi. Karacaahmet Məzarlığındakı ailə məzarlığında dəfn olundu.