Ana Evropiane (Avrupa Yakası) (përkthyer)

Situacion-komedia turke Avrupa Yakası e nisi jetën në transmetim në atv më 11 shkurt 2004. Prodhimi i përket Sinan Çetin-it, kurse shkrimi i skenarit Gülse Birsel-it, që ka marrë edhe një nga rolet kryesore. Xhirimet janë bërë në studiot e Plato Film në Stamboll; seriali, që u transmetua gjatë gjashtë sezoneve me episode nga 73 deri në 90 minuta, bëri finalen me episodin e 190-të, të transmetuar më 24 qershor 2009. Kur përfunduan pesë sezonet e para të prodhimit, që u zgjodh Seriali Komedi i Vitit në çmimet Altın Kelebek, shoqëria prodhuese kishte arritur një qarkullim prej 40 milionë lirash dhe të ardhura prej 4 milionë dollarësh.

Historia zhvillohet mes familjes tradicionale Sütçüoğlu që jeton në Nişantaşı dhe punonjësve të revistës fiktive me emrin Avrupa Yakası. Në qendër të serialit është një grua e re e kapur mes mjedisit elegant të Nişantaşıt që e admiron, revistës së modës ku punon dhe një burri turk të bardhë që e do, nga njëra anë, dhe familjes së saj që ka një botëkuptim krejtësisht të kundërt me këtë botë, nga ana tjetër. Përpjekja e familjes për t'iu përshtatur jetës së shfaqur e moderne të lagjes dhe përplasja e dy botëve janë burimi kryesor që ushqen komedinë e serialit.

Edhe pse ekipi ndryshoi nga sezoni në sezon, Gülse Birsel, Gazanfer Özcan, Levent Üzümcü, Şenay Gürler, Hale Caneroğlu, Yavuz Seçkin, Veysel Diker dhe Yıldırım Öcek kanë qenë fytyra e familjes Sütçüoğlu dhe e punonjësve të revistës në të gjithë sezonet. Engin Günaydın iu bashkua aktorëve në sezonin e tretë, Peker Açıkalın, Tolga Çevik, Hasibe Eren dhe Sarp Apak në sezonin e katërt. Në karrigen e regjisorit kanë qenë Jale Atabey dhe Hakan Algül.