Prapa hekurave (Parmaklıklar Ardında) (përkthyer)

Parmaklıklar Ardında është adaptimi turk i serialit Hinter Gittern – Der Frauenknast, që u shfaq në Gjermani në RTL nga 1997 deri në shkurt 2007. Seriali gjerman bazohet po ashtu në serialin australian me titull Prisoner. Prodhimi i llojit krim dhe dramë filloi më 13 dhjetor 2007 në atv dhe përfundoi më 24 qershor 2010 me tri sezone dhe 106 episode. Producentë janë Ayşe Durukan dhe Uğur Başaran, kompania prodhuese është Play Prodüksiyon. Sezonin e parë e drejtoi Hakan Gürtop, në sezonet e mëpasshme erdhi Nisan Akman. Skenarin e sezonit të parë e shkroi vetëm Feride Çiçekoğlu, në sezonin e dytë iu bashkua edhe Şebnem Çıtak. Meqenëse sistemi i krimit dhe i dënimit në Turqi është i ndryshëm, në personazhet e serialit origjinal u bënë ndryshime.

Historia zhvillohet në bllokun B2: rrëfehen grindjet e të burgosurave mes tyre dhe problemet me zyrtarët e burgut. Në sezonin e parë Selda Alkor luajti kryetaren e bllokut Nur Kurteşi, Devin Özgür Çınar mësuesen e historisë Suzan Aksoy, Serra Yılmaz infermieren kryesore Hayriye Çakır, e dënuar sepse i kishte aplikuar eutanazi pacientit të saj. Sinan Albayrak është mjeku i burgut Tarık İnan; Başak Daşman është Filiz Demir, e dënuar me 7,5 vjet burg.

Xhirimet u bënë në burgun historik të Sinopit, që u mbyll në 1999 dhe u kthye në muze. Muzika e gjenerikut është "Aldırma Gönül", me fjalët e Sabahattin Ali, e kënduar nga Kibariye.