Barmaqlıqlar Arxasında (Parmaklıklar Ardında) (tərcümə)

Parmaklıklar Ardında, Almaniyada RTL-də 1997-ci ildən 2007-ci ilin fevralınadək göstərilən Hinter Gittern – Der Frauenknast serialının Türkiyə uyğunlaşdırmasıdır. Alman seriyalı da Avstraliyadakı Prisoner adlı seriala əsaslanır. Cinayət və dram janrındakı layihə 13 Dekabr 2007-ci ildə atv-də başladı, 24 İyun 2010-cu ildə üç mövsüm və 106 bölümlə bitdi. Prodüserlər Ayşe Durukan ilə Uğur Başaran, istehsalçı şirkət Play Prodüksiyondur. İlk mövsümü Hakan Gürtop çəkdi, sonrakı mövsümlərdə Nisan Akman keçdi. Ssenarini ilk mövsüm Feride Çiçekoğlu tək başına yazdı, ikinci mövsümdə Şebnem Çıtak da qatıldı. Türkiyədəki cinayət və cəza sistemi fərqli olduğu üçün orijinal serialdakı personajlarda dəyişiklik edildi.

Hekayə B2 kamerasında keçir: qadın məhbusların öz aralarındakı çəkişmələri və həbsxana rəsmiləri ilə problemləri danışılır. İlk mövsümdə Selda Alkor kamera ağası Nur Kurteşini, Devin Özgür Çınar tarix müəllimi Suzan Aksoyu, Serra Yılmaz xəstəsinə ötanaziya tətbiq etdiyi üçün məhkum olan baş tibb bacısı Hayriye Çakırı oynadı. Sinan Albayrak həbsxana həkimi Tarık İnandır; Başak Daşman 7,5 il həbsə məhkum edilən Filiz Demirdir.

Çəkilişlər, 1999-cu ildə bağlanıb muzeyə çevrilən tarixi Sinop Cezaevində aparıldı. Titr musiqisi Sabahattin Alinin sözlərini daşıyan, Kibariyenin oxuduğu "Aldırma Gönül" mahnısıdır.