Leyla ilə Məcnun (Leyla ile Mecnun) (tərcümə)

Onur Ünlünün çəkdiyi, Burak Aksakın qələmə aldığı türk serialı Leyla ile Mecnunu Eflatun Film absurd komediya janrında istehsal etdi. İstanbulda keçən layihə əfsanəvi Leyli və Məcnun sevgi hekayəsini parodiya edən süjetinin üzərinə absurd komediya, elmi fantastika və situasiya komediyası ünsürləri əlavə edir; obrazlar zaman-zaman qondarmanın özü ilə də oynayır.

Serial 9 fevral 2011-də TRT 1-də yayım həyatına başladı; ilk üç mövsümü 2011-2013-cü illər arasında bu kanalda ekrana gəldi və final bölümü çəkilmədən yayımdan çıxarıldı. Səkkiz illik fasilənin ardından Exxen rəqəmsal platformasında yenidən həyata dönən layihənin 4-7-ci mövsümləri 2021-2023 arasında yayımlandı; serial cəmi 7 mövsüm davam edib 144-cü bölümü ilə sona çatdı.

Baş rolunda Ali Atayın yer aldığı serialın heyətində Ezgi Asaroğlu, Zeynep Çamcı, Müge Boz, Melis Birkan, Deniz Işın, Köksal Engür, Serkan Keskin, Cengiz Bozkurt, Ahmet Mümtaz Taylan və Osman Sonant kimi adlar var. Tənqidçilərdən geniş tərif toplayan layihə müxtəlif mükafatlar qazanmış, özünəməxsus yumor dili ilə kult serialına çevrilmişdir.