Möhtəşəm Əsr: Kösem (Muhteşem Yüzyıl: Kösem) (tərcümə)

2011-2014-cü illərdə yayımlanan Muhteşem Yüzyıl serialının davamı xarakteri daşıyan Muhteşem Yüzyıl: Kösem Tims&B Productions tərəfindən hazırlanan tarixi-bədii serialdır. İlk bölümü 12 noyabr 2015-ci ildə Star TV-də, ikinci mövsümü isə FOX-da ekrana çıxan layihə ssenarist Yılmaz Şahinin qələmə aldığı hekayə ilə Osmanlı tarixinin “Qadınlar Sultanlığı” adlanan dövrünə yönəlir. Serial hələ gənc qız ikən qaçırılıb I Ahmedin hərəminə gətirilən Anastasianın zamanla Kösem Sultan adı ilə imperiyanın ən güclü qadınlarından birinə çevrilməsini danışır; Kösem obrazını həyatının müxtəlif dövrlərində Anastasia Tsilimpiou, Beren Saat və Nurgül Yeşilçay canlandırmışdır.

Heyətdə həmçinin müxtəlif padşahları canlandıran Ekin Koç, Boran Kuzum və Metin Akdülger (IV Murad) ilə önə çıxan sultan rollarını üstlənən Hülya Avşar, Tülin Özen, Leyla Feray, Farah Zeynep Abdullah və Aslıhan Gürbüz yer almışdır. İlk səhnələri Yunanıstanın Xios adasında çəkilən serial yayıma başlamazdan əvvəl Kanndakı MIPCOM televiziya festivalında tanıtılmış və 50-dən çox ölkəyə satılmışdır. 2 mövsüm və 60 bölüm davam edən layihə 27 iyun 2017-ci ildə yayımlanan son bölümü ilə altı illik Muhteşem Yüzyıl sərgüzəştini tamamlamışdır.