Erdal Beşikçioğlu

Erdal Beşikçioğlu — Tərcümeyi-hal

Erdal Beşikçioğlu 5 yanvar 1970-ci ildə Ankarada anadan olmuş türk aktyor, teatr rejissoru və siyasətçidir. Hacettepe Universitetinin Dövlət Konservatoriyasını 1993-cü ildə bitirən kimi Dövlət Teatrlarına daxil olub; uzun illər Ankara Dövlət Teatrının səhnəsində çıxış edib.

Ekranda Köprü serialındakı (2006-2008) vali Faruk Yazıcı rolu ilə diqqət çəkib; əsl şöhrətini 2010-cu ildə başlayan Behzat Ç.: Bir Ankara Polisiyesi serialı ilə qazanıb. Behzat Ç. obrazını Seni Kalbime Gömdüm (2011) və Ankara Yanıyor (2013) filmlərində, illər sonra isə Çekiç ve Gül: Bir Behzat Ç. Hikayesi serialında (2022) yenidən canlandırıb.

Kinoda Barda (2007), Hayat Var (2008), Bal (2010) və Fakat Müzeyyen Bu Derin Bir Tutku (2014) filmlərində rol alıb; Bergen-də (2022) Halis Serbesti canlandırıb. Leyla ile Mecnun, Reaksiyon, 46 Yok Olan və Adı Efsane seriallarında oynayıb. 2024-cü ilin aprelindən Etimesgutun bələdiyyə başçısıdır.