Sehr (Büyü) (tərcümə)

Yerli kinonun bu növdəki ilk cəhdləri arasında sayılan Büyü, 2004-cü il Türk qorxu-triller filmidir. Rejissorluğu Orhan Oğuz üzərinə götürüb, ssenarini Şafak Güçlü ilə Servet Aksoy yazıb. UFP istehsalı olan film, Özen Film distribusiyası ilə 17 dekabr 2004-cü ildə nümayişə çıxıb. Kassada sürpriz bir uğur qazanıb, buna baxmayaraq tənqidçilərdən çox mənfi qiymət alıb; izləyici balları da aşağı qalıb. Yenə də növünün yerli kinoda nadir nümunələrindən biri kimi maraqlı bir cəhd sayılıb.

Anadolunun ucqar bir kəndinə qazıntı aparmağa gedən arxeoloqlar, yeddi əsrdir davam edən bir lənəti oyadır. Kənd əhalisi yeddi əsr əvvəl uğursuzluq gətirəcəyinə inandığı qız uşaqlarını öldürüb torpağa gömmüşdür; yalnız bir ata qızına qıymamış, bu qız da yaşlı bir cadugərin sehrindən xilas ola bilməmişdir. Heyət, Artuqlu Kralı Sultan Salihə aid bir əlyazmasını axtararkən qədim sehri fərqinə varmadan yenidən canlandırır və pis cinlər qrupun başına qorxu dolu günlər gətirir. İpek Tuzcuoğlu Ayşeni, Özgü Namal Sedefi, Ece Uslu Aydanı, Dilek Serbest Cereni, Okan Yalabık Cemili, Serhat Tutumluer isə Tarıkı canlandırır; cadugəri Suna Selen oynayır.

Çəkilişlər, Mardinin Savur rayonu ilə Diyarbakırın Çınar rayonu arasındakı kimsəsiz Serenli kəndində aparılıb; yayda heç kimin yaşamadığı kənd, filmdə göründüyü kimi boş və qorxuncdur. Musiqini Engin Düzyol, quruluşçu operator işini Adnan Güler üzərinə götürüb. Film, 14 dekabr 2004-cü ildəki premyerasında çıxan yanğınla da xatırlanır; yanğında çox sayda adam yaralanıb.