Hayde Bre

"Hayde Bre" — Orhan Oğuzun rejissorluğu ilə 2010-cu ildə çəkilmiş türk dram filmidir. Film kənddən gələn və İstanbul həyatına uyğunlaşa bilməyən bir kişinin hekayəsini izah edir.

Kiçik bir Makedoniya kəndində həyat yoldaşı və dostları ilə yaşayan Şaban Ağa (Şevket Emrulla) gözlənilmədən İstanbulda üç uşağına və iflic olan həyat yoldaşına baxan ögey qızı Səadətlə (Nilüfer Açıkalın) qarşılaşır. Səadət oğlunun sünnət mərasimi üçün kəndə gəldikdən sonra Şaban Ağa istəksizcə onun təkidi ilə İstanbula köçür. Lakin şəhər həyatına və onun qaydalarına uyğunlaşa bilmir. Özünü hələ də İstanbulda "qonaq" hesab edən Şaban Ağa, şəhərdə məskunlaşa bilməyəcəyini anladığı üçün ilk fürsətdə geri qayıtmağı planlaşdırır; lakin həsrətində olduğu torpaq çoxdan getmişdi.

Kırklarelidə anadan olan və 1948-ci ildə Yuqoslaviyadan mühacirət edən bir ailənin oğlu olan rejissor Orhan Oğuz, ögey babasının hekayəsini izah edən bu film üzərində iyirmi il çalışdı; təkcə Şevket Ağa rolu üçün uyğun aktyor axtarışı on il çəkdi və nəhayət, Makedoniyalı aktyor Şevket Emrulla ilə razılaşdı.

Film 9-14 oktyabr 2010-cu il tarixləri arasında 47-ci Antalya Qızıl Portağal Film Festivalının müsabiqə bölməsində nümayiş etdirilib və 31 dekabr 2010-cu ildə Türkiyədə ölkə miqyasında nümayiş etdirilib. 2011-ci il Şanxay Beynəlxalq Film Festivalında "Ən Yaxşı Film" və Şevket Emrulla "Ən Yaxşı Aktyor" nominasiyalarında qalib gəlib. Film həmçinin 2011-ci ildə Helsinkidə keçirilən Türk Film Günlərində də nümayiş olunub.