Të dëbuarit (Exils) (përkthyer)

Exils është një film bashkëprodhimi francezo-japonez i vitit 2004 i regjisorit francez të lindur në Algieri Tony Gatlif. Prodhimi, që kombinon dramë, aventurë dhe elementë muzikorë me një tregim filmi rrugor, është shkruar nga Gatlif së bashku me Lubna Azabal. Filmi përmban dialogë në frëngjisht, spanjisht, rome dhe arabisht.

Historia trajton dy të rinj bohemë që jetojnë në Paris, Zano dhe Naima, të cilët vendosin papritmas të nisen drejt Algjerisë për të gjetur rrënjët e tyre. Udhëtimi drejt këtyre tokave nga vjen familja e Naimas dhe nga ku familja pied-noir e Zanos u dëbua dikur, shndërrohet në një zbulim plot muzikë dhe takime. Filmi është një reflektim personal i kthimit të Gatlif në Algjeri pas 43 vjetësh.

Rolet kryesore i ndajnë Romain Duris dhe Lubna Azabal. Gatlif u nderua me çmimin për Regjisorin Më të Mirë në Festivalin e Filmit në Kanë të vitit 2004 për këtë film.