Təpənin arxası (Tepenin Ardı) (tərcümə)

Tarixçi və film tənqidçisi Emin Alper ilk tammetrajlı kinofilmi Tepenin Ardı filmini (beynəlxalq adı Beyond the Hill) yazıb çəkdi. Türkiyə-Yunanıstan birgə istehsalı olan bu 94 dəqiqəlik dram 14 dekabr 2012-də Türkiyədə nümayişə girdi. Maço kişi mədəniyyətini mövzu alan film vesterni xatırladan havası və məkan istifadəsi ilə gərginliklə dolu bir ailə faciəsi danışır. Prodüserlər Enis Kostepen ilə gənc yaşda həyatını itirən Seyfi Teomandır.

Nusret iki oğlunu (biri sakit, o biri başıpozuq) hava dəyişikliyi olsun deyə öz atasının, yəni uşaqların babasının fermasına aparır. Böyük oğul Zafer əskərlikdən sonra yaşadığı sıxıntıdan içinə qapanmışdır; qardaşı isə sözəbaxmaz, dəcəl bir gəncdir. Baba Faik fermasının ətrafında dolaşan keçi sürülərindən və onların sahibi olan çobanlardan şikayətçidir. Haradan gəldiyi bilinməyən bir silah səsi və ardınca baş verənlər fermadakı sakitliyi büsbütün pozur. Film bir düşmən və günah keçisi icad edib problemləri ilə üzləşməkdən qaçan hakim kişi mədəniyyətini mikroskop altına alır. Baş rolları Tamer Levent, Reha Özcan, Mehmet Özgür və Berk Hakman bölüşür.

Çəkilişlər Karamanın Ermenek rayonunda aparıldı. Film Berlində Kaliqari Mükafatını, İstanbulda Altın Lale və FIPRESCI mükafatlarını aldı; Asiya-Sakit okean Ekran Mükafatlarında da ən yaxşı film mükafatına layiq görüldü. Kampfplatz jurnalı üçüncü sayında filmə xüsusi dosye ayırdı.