Mühasirə (Abluka) (tərcümə)

Abluka, Emin Alper'in yazıb rejissorluq etdiyi 2015-ci il istehsalı dram filmidir. Türkiyə, Fransa və Qətərin birgə istehsalı olan film, rejissorun ikinci tammetrajlı işidir və beynəlxalq aləmdə Frenzy adı ilə tanınır. Baş rolları Mehmet Özgür, Berkay Ateş və Tülin Özen bölüşür; heyətdə Müfit Kayacan da yer alır.

Film, iyirmi il həbs cəzası çəkdikdən sonra şərti azadlığa buraxılan Kadirin hekayəsini danışır. Siyasi qarışıqlığın küçələrə əks olunduğu İstanbulda Kadir azadlığı müqabilində zibil yığan maskası altında gecəqondu məhəllələrində bomba hazırlama materialları axtararaq xəbərçilik edir. Bu zaman bələdiyyədə küçə itlərinin məhvi ilə məşğul olan qardaşı Ahmeti tapır; lakin Ahmetin uzaq duruşu Kadiri getdikcə dərinləşən bir şübhə və sui-qəsd düşüncəsinə sürükləyir. Abluka, 72. Venesiya Film Festivalında Altın Aslan uğrunda mübarizə aparmış və Münsiflər Heyətinin Xüsusi Mükafatını qazanmışdır.