Dönüş

Dönüş, Osman Şahin'in "Son Cirit" adlı hekayəsindən uyğunlaşdırılan, ssenarisini Şahinlə birlikdə yazan Faruk Turgutun rejissorluq etdiyi 1988-ci il istehsalı türk filmidir. Uzman Film tərəfindən çəkilən istehsalın musiqilərini Cahit Berkay, görüntü rejissorluğunu Salih Dikişçi üstələnmişdir.

Filmdə, törətdiyi qətldən ötəri həbsə düşən Berdenin cəzasını başa vurduqdan sonra kəndinə qayıdıb çobanlıq etməyə başlaması nəql olunur. Ciritin böyük əhəmiyyət daşıdığı Hano kəndində Berde ilə kəndlilər arasında anlaşılmazlıqlar yaranır; gərginliyi həll etmək üçün təşkil olunan cirit oyunlarına hazırlaşarkən onu yeni problemlər gözləyir. Baş rolları Tarık Akan və Nur Sürer bölüşərkən heyətdə Yaman Okay, Raci Kiper, Günay Güner, Mustafa Yavuz, Hilmi Poyraz, Engin Çelik və Ali Sürmeli də yer alır.