Bir Zamanlar Çukurova

Bir Zamanlar Çukurova, Tims&B Productions imzalı, 13 sentyabr 2018-ci ildə atv-də yayımlanmağa başlayan romantik dram və psixoloji gərginlik janrında türk televiziya serialıdır. Yıldız Tunç, Atilla Özel, Ayça Üzüm və Selena Çağlayan'ın qələmə aldığı serialın rejissorluğunu Murat Saraçoğlu və Evren Karabıyık Günaydın öz üzərinə götürüb. Dörd mövsüm davam edən film, 16 iyun 2022-ci ildə yayımlanan 141-ci bölümü ilə yekunlaşıb.

1970-ci illərdən günümüzə uzanan hekayə, İstanbuldan qaçan Yılmaz və Züleyhanın özlərini Çukurovadakı Yaman ailəsinin fermasında tapması və ailənin oğlu Demirin Züleyhaya aşiq olması ilə inkişaf edən hadisələri nəql edir. Baş rollarda Hilal Altınbilek, Murat Ünalmış, Uğur Güneş və Vahide Perçin yer alır; çəkilişlər əsasən Adana və Mersində həyata keçirilib.