Ëndrra dhe Realiteti (Hayal ve Gerçek) (përkthyer)

Hayal ve Gerçek, i vitit 2007, është një serial televiziv turk me firmën e Süreç Film, që bashkon elemente komedie, fantastike dhe romantike. Skenarin e serialit, regjinë e të cilit e mori përsipër Gürcan Mete Şener, e shkruan Gani Müjde dhe Emre Bülbül. Në rolet kryesore janë Yasemin Hadivent, Cem Kılıç dhe Zuhal Yalçın.

Në histori, Hayal dhe Gerçek, që mbajnë këta emra, martohen pavarësisht të gjitha kundërshtimeve të nënës së Gerçekut, Badire Hanım, dhe të motrës së tij Firuze. Por martesa e tyre nuk kalon fort e qetë dhe Hayal humb jetën në moshë të re. Ndërsa Gerçeku përballet me këtë humbje të dhimbshme, miku i tij Muzaffer i qëndron pranë; Badire Hanım, nga ana e saj, është e vendosur t'i gjejë të birit një nuse të re me ndihmën e Firuzes. Fakti që Hayal, si fantazmë, mund t'i shfaqet vetëm burrit të saj dhe që të dy e jetojnë këtë herë dashurinë që nuk e jetuan dot sa ishte gjallë, i shton historisë një dimension fantastik e humoristik. Seriali u transmetua në atv nga 7 korriku deri më 1 shtator 2007 dhe zgjati 9 episode.