Purgatori (Araf) (përkthyer)

Filmi dramatik turk Araf është prodhim i vitit 2012; në shfaqjet ndërkombëtare njihet me emrin Somewhere in Between. Regjinë e ka bërë Yeşim Ustaoğlu, skenarin e ka shkruar vetë dhe ka marrë përsipër prodhimin. Filmi, bashkëprodhim i Turqisë, Gjermanisë dhe Francës, doli në kinema më 21 shtator 2012. Emrin e merr nga gjendja e të qenit mes dy botëve në besimin islam, domethënë "në Araf"; rrëfen një histori të ndërtuar mbi rritjen, mbi të kuptuarin e jetës dhe të realitetit.

Në qendër të historisë, e xhiruar në Karabük, janë dy të rinj që punojnë me ndërrime në një stacion të madh benzine në autostradë, Zehra 18-vjeçare dhe Olguni. Zehra jeton në fshatin e saj me familjen. Përveç dashurisë që ndien Olguni për të, ata i lidh ndjenja e zilisë për botët që shohin në televizion dhe ëndrrat që ngrenë për të hyrë në ato jetë. Në këtë vend ku gjithçka është kalimtare, ata e kalojnë ditët me pritjen që një ditë jeta e tyre do të ndryshojë papritur. Ekuilibrat përmbysen nga marrëdhënia që fillon mes Zehras dhe Mahurit 38-vjeçar, që një ditë kalon pranë stacionit. Rolet kryesore i ndajnë Neslihan Atagül, Barış Hacıhan dhe Özcan Deniz; në ekip janë edhe Nihal Yalçın dhe Yasemin Çonka.

Filmi përmendet bashkë me filmat e regjisores Ustaoğlu si Güneşe Yolculuk, Bulutları Beklerken dhe Pandora'nın Kutusu.