İz

İz (beynəlxalq adı ilə The Trace), Yeşim Ustaoğlunun çəkdiyi 1994-cü il tarixli Türkiyə triller filmidir. Layihə, Ustaoğlunun ilk tammetrajlı işlərindən biridir. Ssenarisini Tayfun Pirselimoğlunun yazdığı, prodüserliyini Kadri Yurdatapın üzərinə götürdüyü film Mine Film imzalıdır.

Aytaç Arman, filmdə Kemal rolunu canlandırır; Derya Alabora, Nur Sürer, Meral Çetinkaya və İsmet Ay da heyətdədir. Heyətdə həmçinin Giovanni Scognamillo, Ara Güler və Serra Yılmaz da yer alır. Operator işini Uğur İçbak, musiqini Aydın Esen, montajı Thomas Balkenol üzərinə götürmüşdür; quruluşçu rəssamlığı isə ssenarist Pirselimoğlu etmişdir.

İz, 14-cü Beynəlxalq İstanbul Film Festivalında İlin Ən Yaxşı Türkiyə Filmi Mükafatına layiq görüldü və 1995-ci ildəki 19-cu Moskva Beynəlxalq Film Festivalının rəsmi seçkisində nümayiş etdirildi.