Dhimbjet e Vjeshtës (Güz Sancısı) (përkthyer)

Filmi turk dramatik Güz Sancısı, i përshtatur nga romani me të njëjtin titull i Yılmaz Karakoyunlu, tregon tensionin politik të viteve 1950. Regjisore është Tomris Giritlioğlu. Prodhimi doli në kinema në mbarë Turqinë më 23 janar 2009 dhe renditej mes filmave vendas me të ardhurat më të larta të atij viti. Filmi konsiderohet vazhdim i Suyun Öte Yanı dhe sidomos i Salkım Hanımın Taneleri, dhe shkaktoi debat të ashpër sepse trajton Ngjarjet e 6-7 Shtatorit.

Historia fillon drejt vjeshtës së vitit 1955, kur mbi shkëlqimin e Beyoğlut bie hija e një klime të tensionuar politike. Behçetin (Murat Yıldırım), asistent në Fakultetin e Drejtësisë, ndikimi i të atit dhe mënyra si është rritur e çojnë drejt ideve margjinale. E vetmja gjë që e pengon është Elena (Beren Saat), të cilën e vëzhgon fshehurazi nga dritarja e banesës përballë. Elena, një grua e re jomyslimane, jeton me gjyshen në një marrëdhënie të mistershme varësie. Dashuria e të dy të rinjve përpiqet të mbrohet në mes të valës politike që synon jomyslimanët; sa më shumë që Behçeti ecën në atë vijë, aq më shumë largohet nga Elena dhe nga dashuria. Në kast marrin pjesë edhe Okan Yalabık, Belçim Bilgin, Umut Kurt, Zeliha Berksoy, Kenan Bal, İlker Aksum, Tuncel Kurtiz dhe Hüseyin Avni Danyal.

Skenarin e shkruan Nilgün Öneş, Etyen Mahçupyan, Tayfun Pirselimoğlu dhe Ali Ulvi Hünkar; producentë janë Bahadır Atay dhe Fatih Enes Ömeroğlu. Drejtor i fotografisë është Ercan Yılmaz, ndërsa muzika i përket Tamer Çıray.