İntiqam (İntikam) (tərcümə)

İntikam — 3 yanvar 2013-cü ildə Kanal D-də yayımlanmağa başlayan və 20 fevral 2014-cü ildə sona çatan Türk dram serialıdır. Mike Kelleyin yaratdığı ABC istehsalı Revenge serialının Türkiyə uyğunlaşdırması olan serial, köklərini Alexandre Dumasın 1844-cü il tarixli Monte Kristo Kontu romanından alır. D Productions və Disney Türkiye əməkdaşlığı ilə hazırlanan serial iki mövsüm ərzində ümumilikdə 44 seriya olaraq ekrana gəlmiş, 2015-ci ilin yayında TV2-də təkrar yayımlanmışdır.

Hekayə, rəhbəri olduğu bankın sahibi tərəfindən fırıldaqçılıq ittihamı ilə məhv edilən Adil və qızı Derinin ətrafında inkişaf edir. Həbsə məhkum olunan Adilin qızı uşaq evinə göndərilir və atasının günahkar olduğuna inandırılaraq böyüyür; həqiqəti ancaq on səkkiz yaşında, atasının yazdığı gündəliklər sayəsində öyrənir. Atasını həbsxanada günahsız olaraq itirən Derin, Yağmur Özden kimliyi ilə Boğaz sahilindəki uşaqlıq məhəlləsinə qayıdaraq atasına xəyanət edənlərdən intiqam almağa girişir. Baş rolunda Beren Saatin yer aldığı serialda Yiğit Özşener, Mert Fırat, Nejat İşler və Zafer Algöz kimi aktyorlar da rol almışdır.