Gjumi i Princeshës (Prensesin Uykusu) (përkthyer)

Prensesin Uykusu është një film turk komedi-dramë i vitit 2010, i shkruar e i drejtuar nga Çağan Irmak. Irmaku e shkroi skenarin i frymëzuar nga kënga "Prensesin Uykusuyum" e albumit Kirli Suyunda Parıltılar të vitit 2006 të grupit Redd; muzikën e filmit e përgatiti gjithashtu Redd. Prodhimin e morën përsipër Most Production dhe İmaj, ndërsa xhirimet nisën në prill 2010 dhe u kryen kryesisht në Halkalı e Yeşilköy.

Filmi tregon historinë e Azizit, që punon në një bibliotekë dhe bën një jetë të qetë në botën e tij të vogël. Jeta e tij, që merr ngjyra me zhvendosjen e floktares Seçil dhe të vajzës së saj dhjetëvjeçare Gizem në pallatin e Azizit, errësohet kur vogëlushja bie në një gjumë të gjatë; banorët e pallatit mblidhen së bashku për të ndryshuar fatin. Filmi bëri premierën botërore në Festivalin e Filmit Turk në Londër dhe doli në kinematë e Turqisë më 19 nëntor 2010.