Klasa Hababam në Ushtri (Hababam Sınıfı Askerde) (përkthyer)

Komedinë turke Hababam Sınıfı Askerde (The Chaos Class in the Military) e ka drejtuar Ferdi Eğilmez. Filmi, i teti në serinë Hababam Sınıfı, e bazuar në veprën klasike të Rıfat Ilgaz-it, doli në kinema në janar të vitit 2005. Në Turqi e kanë parë rreth 1,6 milionë njerëz; filmi u shfaq në Evropë me 35 kopje dhe edhe atje arriti 400 mijë shikues. Producent është Fida Film, skenarist Kemal Kenan Ergen.

Historia ndërtohet rreth nxënësve të Hababam Sınıfı, që në këtë seri, e cila vazhdon nga aty ku ishte ndalur, kanë mbushur mjaft vite. Ndërsa bashkëmoshatarët e tyre kanë kohë që janë vënë në punë dhe kanë gjetur vend në jetë, çuditë e tyre pa pushim janë bërë tashmë të patolerueshme. Drejtori i shkollës, Deli Bedri, e gjen zgjidhjen duke i dërguar në ushtri dhe një mëngjes u vë në derë policët ushtarakë. Pyetja e vërtetë është sa do t'i frenojnë këto ngatërresa, për të cilat asgjë nuk është ilaç, disiplina ushtarake dhe jeta në kazermë. Këtë herë radha për të luftuar u takon komandantëve. Për më tepër, batalioni kundërshtar, që djemtë tanë e quajnë rival, përbëhet tërësisht nga vajza dhe gjithçka ngatërrohet edhe më shumë.

Deli Bedri-n e luan Mehmet Ali Erbil, Casus Ercüment-in Şafak Sezer; Peker Açıkalın është në rolin e Psiko-s. Në ekip marrin pjesë edhe Hülya Avşar, Halit Akçatepe, Memet Ali Alabora, Kerem Alışık dhe Ogün Kaptanoğlu.