Hababam sinfi əsgərlikdə (Hababam Sınıfı Askerde) (tərcümə)

Hababam Sınıfı Askerde (The Chaos Class in the Military) adlı türk komediyasını Ferdi Eğilmez çəkib. Rıfat Ilgazın klassik əsərinə əsaslanan Hababam Sınıfı seriyasının səkkizinci filmi olan layihə 2005-ci ilin Yanvarında ekranlara çıxıb. Türkiyədə təxminən 1,6 milyon nəfər tərəfindən izlənib; Avropada 35 nüsxə ilə nümayiş olunan film orada da 400 min tamaşaçıya çatıb. Prodüser şirkəti Fida Film, ssenaristi Kemal Kenan Ergendir.

Hekayə qaldığı yerdən davam edən seriyada yaşları xeyli irəliləmiş Hababam Sınıfı şagirdlərinin ətrafında qurulur. Yaşıdları çoxdan iş-güc sahibi olduğu halda bunların dayanmaq bilməyən yaramazlıqları artıq dözülməz hala gəlib. Məktəb müdiri Deli Bedri çarəni onları əsgərliyə göndərməkdə tapır və bir səhər qapıya hərbi inzibatçıları dayayır. Əsl sual heç nəyin çarə olmadığı bu yaramazlıqları hərbi intizamın və kazarma həyatının nə qədər cilovlayacağıdır. Bu dəfə mübarizə növbəsi komandirlərdədir. Üstəlik bizimkilərin rəqib saydığı qarşı tabor tamamilə qızlardan ibarətdir və ortalıq tamam qarışır.

Deli Bedrini Mehmet Ali Erbil, Casus Ercümenti Şafak Sezer canlandırır; Peker Açıkalın Psiko roludadır. Heyətdə Hülya Avşar, Halit Akçatepe, Memet Ali Alabora, Kerem Alışık və Ogün Kaptanoğlu da yer alır.