Təkərli Bəla (Kara Bela) (tərcümə)

"Kara Bela" ("Qara Dərd") — Burak Aksakın rejissorluğu və ssenaristi olduğu 2015-ci il istehsalı türk komediya filmidir. BKM Film tərəfindən istehsal olunan film 18 sentyabr 2015-ci ildə nümayiş etdirilib və İstanbul, Adana və Qaziantepdə çəkilib. Prodüseri Necati Akpınar olub. Filmin nümayişindən əvvəl, təxminən beş min biletli tamaşaçının qatıldığı qala gecəsi Harbiye Cemil Topuzlu Açıq Hava Teatrında keçirilib və bu, türk kinosunda bir ilk olub.

Film, həyatını həmişə başqalarının, xüsusən də atası və həyat yoldaşının qaydalarına uyğun yaşayan Kudretin hekayəsini danışır. Onun həyatı gözlənilmədən bir sıra hadisələrlə alt-üst olur. Yuxunu ciddiyə alan Kudret maşına minib Antepe səyahətinə çıxır. Bu andan etibarən hekayə klassik bir yol filminə çevrilir və bu zaman baş qəhrəman istəmədən yeni dostlar qazanır; səyahətinin sonunda dostluğun dəyərini kəşf edir və qayda pozan bir macəradan həzz alır.

Baş rolları Cengiz Bozkurt, Seda Bakan və Erkan Kolçak Köstendil ifa edir. Digər aktyor heyətində Cihan Ercan, Berat Yenilmez, Tarık Ünlüoğlu, Hasibe Eren, İştar Gökseven, Erdal Tosun, Hakan Salınmış, Sadi Celil Cengiz və Benian Dönmez, Zihni Göktay və Zerrin Sümer isə qonaq qismində çıxış edirlər.