Mallkimi i Zi (Kara Bela) (përkthyer)

Kara Bela, shkruar e drejtuar nga Burak Aksak, është një film turk komedi-aventurë i vitit 2015. Filmi, prodhimin e të cilit e mori përsipër BKM Film dhe shpërndarjen Mars Entertainment Group, doli në shfaqje më 18 shtator 2015 dhe zgjat 100 minuta. Premiera e hapur për publikun e filmit, xhirimet e të cilit u zhvilluan në İstanbul, Adana dhe Gaziantep, u mbajt në Teatrin e Hapur Harbiye Cemil Topuzlu me pjesëmarrjen e rreth pesë mijë shikuesve me bileta dhe u cilësua si e para e këtij lloji në historinë e kinemasë turke.

Historia rrëfen se si rendi i Kudretit, i cili e ka jetuar gjithmonë jetën sipas rregullave të të tjerëve, përmbyset nga ngjarje të papritura. Kudreti, që nën ndikimin e një ëndrre hipën në makinën e tij të shumëdashur dhe niset drejt Antepit, gjatë udhëtimit bën miq të rinj; në fund të qindra kilometrave ai zbulon si vlerën e miqësisë, ashtu edhe kënaqësinë e jetës pa rregulla. Rolet kryesore i ndajnë Cengiz Bozkurt, Seda Bakan dhe Erkan Kolçak Köstendil, ndërsa në trupën e aktorëve janë edhe emra si Tarık Ünlüoğlu, Hasibe Eren dhe Cihan Ercan.