Mallkimi i Zi (Kara Bela) (përkthyer)

Burak Aksak e shkroi dhe e drejtoi në vitin 2015 filmin turk komedi-aventurë Kara Bela (me titullin anglisht Trouble on Wheels). Prodhimi, filmi i dytë kinematografik i Aksakut, doli nga BKM Film, si edhe filmi i tij i parë Bana Masal Anlatma, dhe shpërndarjen e ka marrë përsipër Mars Entertainment Group. Filmi doli në kinema më 18 shtator 2015. Thuhet se me premierën publike që u organizua para daljes në kinema në Teatrin e Hapur Harbiye Cemil Topuzlu në Stamboll dhe në të cilën morën pjesë rreth pesë mijë spektatorë me biletë, u hodh një hap i parë në historinë e kinemasë turke.

Historia nis kur rendi i Kudretit (Cengiz Bozkurt), që e ka jetuar gjithë jetën sipas rregullave, përmbyset nga ngjarje të papritura. Kudreti hipën në makinën që e do shumë dhe niset drejt Antepit; gjatë rrugës krijon miq të rinj. Në rrugë makinës i ndodh gjithçka. Pas qindra kilometrash, Kudreti zbulon si rëndësinë e miqësisë, ashtu edhe shijen e jetës pa rregulla. Rolet kryesore i ndajnë Cengiz Bozkurt, Seda Bakan (Burcu) dhe Erkan Kolçak Köstendil (Güven). Në kast marrin pjesë edhe Cihan Ercan (Efkan), Tarık Ünlüoğlu (udhëheqësi i mafias Atılgan) dhe Hasibe Eren (gruaja e Kudretit); Zihni Göktay dhe Zerrin Sümer, si aktorë të ftuar, luajnë prindërit e Kudretit.

Xhirimet janë bërë në Stamboll, Adana dhe Gaziantep. Producent është Necati Akpınar. Për promovim, këngën “Kara Bela”, me tekst dhe muzikë të Ali Erelit, bashkëshortit muzikant të Seda Bakanit, e regjistruan në studio Cengiz Bozkurt dhe Seda Bakan dhe xhiruan një videoklip.