Bir Dəstə Teatr (Bir Demet Tiyatro) (tərcümə)

Bir Demet Tiyatro, 31 dekabr 1994-cü il gecəsi yayımlanmaq üçün BKM-də çəkilən "MTV-Meclis TV" adlı komediya proqramının bəyənilməsi üzərinə serialə çevrilmişdir. Mətnini Yılmaz Erdoğan yazmış, istehsalını BKM üstlənmişdir. İstehsalçı qurum serialı Türkiyənin tamaşaçı qarşısında çəkilən ilk situasiya komediyası kimi təsvir edir; hər həftə tamaşaçı qarşısında, bir teatr tamaşası kimi çəkilmişdir. İlk 100 bölüm 14 yanvar 1995-ci il ilə 14 oktyabr 1997-ci il arasında yayımlanmış, 2000-2002-ci illər arasında 38 bölüm daha çəkilərək Star TV-də göstərilmişdir. Proqram 138-ci bölümdə dayanmış, beş il sonra yenidən başlamış və səkkizinci mövsüm 28 noyabr 2006-cı il ilə 24 aprel 2007-ci il arasında atv-də yayımlanmışdır. Cəmi 156 bölümün ilk 151-ni Sevgi Birsel, son beşini Derya Yaruç çəkmişdir.

Hər bölümdə ayrı bir əhvalat danışılması düşünülmüşdü; ikinci bölüm çox sevilincə Çıtır ailəsinin macəralarına davam edilmişdir. İstanbulda yaşayan orta halı bir fəhlə ailəsinin mərkəzində otuz yaşlarında işsiz, qabadayı oğul Mükremin (Yılmaz Erdoğan) ilə iti dilli bacısı Lütfiye (Demet Akbağ) var. Erdoğan Dikmen ata Burhan Çıtırı, Zerrin Sümer ana Telviye Hanımı canlandırır; Sürahi Hanım obrazını Yasemin Yalçın canlandırmışdır. Heyətdə ayrıca Tirbüşon ləqəbli Berkant Midyat rolunda Serhat Özcan, Saldıray Abi rolunda Settar Tanrıöğen və Mevlüde Teyze rolunda Suzan Kardeş yer alır.