Bizim Böyük Çarəsizliyimiz (Bizim Büyük Çaresizliğimiz) (tərcümə)

Bizim Büyük Çaresizliğimiz Seyfi Teomanın rejissorluğu ilə çəkilmiş, 2011-ci ildə nümayiş olunan bir türk dram filmidir. Barış Bıçakçının eyniadlı romanından uyğunlaşdırılan ssenari Teoman və Bıçakçı tərəfindən yazılmışdır. Türkiyə, Niderland və Almaniyanın birgə istehsalı olan film 61-ci Berlin Beynəlxalq Film Festivalının müsabiqə bölməsində premyerasını keçirtmişdir.

Hekayə Ankarada baş verir. Otuz yaşlarında olan iki yaxın dost Enderlə Çetin, Çetinin illər sonra şəhərə qayıtması ilə eyni evi bölüşməyə başlayırlar. Ortaq dostları Fikret Almanyaadan tətil üçün gəldiyi zaman anasını və atasını yol qəzasında itirir və geri qayıtmaq məcburiyyətində qalır; lakin Ankara Universitetində oxuyan, məktəbinin bitməsinə iki il qalmış bacısı Nihalı arxada buraxmalı olur. Fikret Nihalı Enderlə Çetinə əmanət edərək gedir. Ailəsini itirməyin sarsıntısı içərisində olan Nihal əvvəllər ev yoldaşları ilə arasında məsafə saxlayır; zamanla eyni dam altında yaşayan bu üç insan arasında zərurətdən doğan, təyin edilməsi çətin bir bağ yaranır. Baş rollarda İlker Aksum, Fatih Al və Baki Davrak yer alır.