Bərəkətli Torpaqlar Üzərində (Bereketli Topraklar Üzerinde) (tərcümə)

Erden Kıral sosial-realist türk dramı olan Bereketli Topraklar Üzerinde filmini çəkdi. Orhan Kemalın eyni adlı hekayəsindən uyğunlaşdırılmış film Çukurovaya iş tapmağa gələn gündəlik əməkhaqqı ilə işləyən kənd təsərrüfatı işçilərinin amansız şəraitini, ümidlərini və acılarını nəql edir. Film 1979-cu il istehsalıdır; ilk nümayişi isə hərbi vəziyyətin qadağası üzündən illərlə təxirə salınmışdır. Orhan Kemalın hekayəsi kənd təsərrüfatı işçilərinə dair əfsanə kimi xatırlanır.

Hekayənin mərkəzində Çukurovaya gələn üç dost var: Köse Hasan, Pehlivan Ali və Yusuf. Sivasdan yola çıxan bu üç adam ağır şəraitdə işləməyə məcbur qalır. Tuncel Kurtiz iş axtaran gündəlik işçilər qrupunun başındakı adamı oynayır; Yaman Okay və Nur Sürer də heyətdədir. Ssenarini əvvəlcə Mahmut Tali Öngören yazmış, lakin Kıral mətni bəyənmədiyi üçün aktyor Tuncel Kurtiz yenidən qələmə almışdır.

Çəkilişləri 1979-da bitən film hərbi vəziyyət səbəbindən qadağan edildi. Prodüserlərdən Nurettin Sezer negativləri qorumaq üçün İsveçə apardı; çevriliş günlərində Kıral negativlərin izini itirdi. 1981-də Strasburqda keçirilən səsvermədə "Avropanın Ən Yaxşı Filmi" seçildi, ayrıca Antalya Altın Portakal Film Festivalında iki mükafat aldı; lakin xaricə çıxış qadağası səbəbindən Kıral mükafatı ala bilmədi. Negativlər tapılanda film 12 dəqiqə qısaldıldı və 2008-ci il mayın 2-də, 28 il sonra Türkiyədə yenidən nümayişə çıxdı.