Pllakë e thyer (Kırık Plak) (përkthyer)

Kırık Plak është një melodramë turke bardhezi e vitit 1959, e regjisuar dhe e prodhuar nga Osman F. Seden, me skenar të Bülent Oranit. Krahas Zeki Mürenit dhe Belgin Dorukut në rolet kryesore luajnë Ayfer Feray, Hayri Esen, Behzat Balkaya dhe Muammer Gözalan. Filmi shënon njëkohësisht debutimin në kinema të İzzet Günayt.

Historia ndjek këngëtarin Zeki, të cilit i dëmtohen telat e zërit nga xhelozia e Nerminit, pronares që e kishte bërë të famshëm. Kur Nermini vritet nga i shoqi, vrasja i ngarkohet Zekit; i arratisur, ai besohet i vdekur pas një aksidenti, ndërkohë që në të vërtetë bën një jetë të vështirë në një skaj të largët të Anadollit. Pas një operacioni të rastësishëm e rifiton zërin dhe, në bashkëpunim me policinë, bën të kapet vrasësi i vërtetë, Asımi, dhe rikthehet te Leyla e tij.