Gjyqtar i Bodrumit (Bodrum Hakimi) (përkthyer)

Bodrum Hâkimi është një film turk i vitit 1976, i regjizuar nga Türkân Şoray, e cila luan edhe rolin kryesor. Skenari i këtij filmi, një nga katër filmat e regjizuar nga Şoray, u shkruajt nga Safa Önal, ndërsa muzikën e kompozoi Cahit Berkay. Në rolin kryesor së bashku me Şoray luan Kadir İnanır, ndërsa në kast merr pjesë edhe Yıldırım Gencer. Filmi u prit me interes të madh në kohën kur doli në ekrane.

Nevin, një gjyqtare e re dhe e bukur, caktohet në një qytezë bregdetare. Pasi përfshihet në punët e Ömer Bey, figurës së dashur dhe të respektuar të qytezës, ajo tërheq shpejt vëmendjen e të gjithëve. Ömer Bey dashurohet me gruan e re dhe nuk mund t'i kundërshtojë veprimet e saj; me kalimin e kohës edhe gjyqtarja dashurohet me Ömerin, por para bashkimit të tyre qëndron një pengesë e madhe. Historia e filmit bazohet në një këngë popullore lokale të lindur nga një ngjarje e vërtetë: Mefaret Tüzün, një nga gjyqtaret e para të Republikës së Turqisë, i dha fund jetës së saj në vitin 1954 në Bodrum, ku ishte caktuar në vitin 1951, në rrethana që ende nuk janë sqaruar plotësisht. Një nga interpretimet që tregohet është se ajo vetëu vra pasi dha dënimin me vdekje për të burgosurin me të cilin ishte dashuruar.