Tërmet (Deprem) (përkthyer)

Deprem ("Earthquake") është një film turk i vitit 1976, i drejtuar nga Şerif Gören. Në rolet kryesore të prodhimit, ku kryqëzohen zhanret e dramës, thrillerit, emocionit dhe aventurës, luajnë Türkân Şoray dhe Kadir İnanır. Skenarin e ka shkruar Safa Önal, e ka prodhuar Akün Film; producentë janë Hasan Gürkan dhe İrfan Ünal. Filmi zgjat 88 minuta.

Në qendër të historisë është Ahmeti. I riu, që pas vdekjes së të atit kthehet pas shumë vitesh në fshatin ku ka lindur, dëshiron t'i shesë sa më parë pasuritë e trashëguara dhe të pasurohet. Ditët që qëndron në fshat njihet me Zeynepin dhe ia jep zemrën. Edhe Zeynepit i pëlqen, por nuk mund t'i besojë; duke menduar se i ka ardhur mosha për martesë, vendos të martohet me Rizën, farkëtarin e fshatit. Ahmeti, për ta penguar këtë dasmë, e rrëmben Zeynepin, ndërsa usta Riza i ndjek të dy për t'u hakmarrë. Në fund të rrugës të tre i pret një katastrofë e papritur. Zeynepin e luan Türkân Şoray, Ahmetin Kadir İnanır; aktori iranian Naser Malek Motiee, në rolin e ustës Riza, në Turqi njihet me emrin Nasır Melek. Nënën e Zeynepit e luan Şükriye Atav, karrocierin İhsan Yüce.

Muzika i përket Cahit Berkay, drejtimi i fotografisë Erdoğan Engin, montazhi Süleyman Karakaya. Drejtor artistik është Erdil Demirbağ.