Atomizuar (Elementarteilchen) (përkthyer)

Oskar Roehler e shkroi dhe e drejtoi në vitin 2006 Atomised (me titullin gjerman Elementarteilchen, në Turqi Temel Parçacıklar); filmi është dramë gjermane. Filmi, të cilin e prodhuan së bashku Bernd Eichinger dhe Oliver Berben, është adaptuar lirshëm nga romani i polemizuar i Michel Houellebecq, botuar në vitin 1998. Roehler e ka zhvendosur historinë nga Parisi në Gjermani dhe i ka bërë xhirimet në vende si Berlini dhe Turingia. Ndryshe nga romani, pesimizmi kulturor nuk është tema kryesore e filmit dhe filmi mbyllet me një fund tjetër.

Subjekti është jeta e dy vëllezërve njerk që nuk i ngjajnë aspak njëri-tjetrit, Bruno dhe Michael. Michael, që ka kaluar një fëmijëri kaotike pranë një nëne të lehtë që kujdesej vetëm për dashuritë e veta, bëhet biolog molekular dhe interesohet më shumë për gjenet se për gratë. Bruno është i fiksuar pas dëshirave seksuale; kur njihet me Christiane, jeta e tij nis të ndryshojë. Në të njëjtën kohë Michael takon sërish dashurinë e rinisë Annabelle. Brunon e luan Moritz Bleibtreu, Michaelin Christian Ulmen, Christiane Martina Gedeck, Annabelle Franka Potente, Jane Nina Hoss; në kast janë edhe Corinna Harfouch dhe Michael Gwisdek.

Filmi e bëri premierën botërore më 12 shkurt 2006 në Festivalin e 56-të të Filmit në Berlin dhe i solli Bleibtreut Ariun e Argjendtë për Aktorin më të Mirë. Prodhimi, që doli në kinema në Gjermani më 23 shkurt 2006, u shfaq në Turqi më 4 maj 2007 dhe u transmetua për herë të parë në kanalin ARD më 27 mars 2008.