Heç yerdə (Hiçbiryerde) (tərcümə)

Hiçbiryerde (beynəlxalq adı In Nowhere Land), Tayfun Pirselimoğlunun yazıb çəkdiyi 2002-ci il istehsalı olan filmdir və rejissorun ilk filmidir. Prodüserləri Zeynep Özbatur, Kadri Yurdatap və Gudrun Ruzickova-Steinerdir; quruluşçu operator Colin Mounier, musiqi Cengiz Onuraldır. İlk nümayişi 21-ci İstanbul Film Festivalı çərçivəsində 26 aprel 2002-də keçirilmiş; ekranlara 20 sentyabr 2002-də çıxmışdır.

Şükran (Zuhal Olcay), Haydarpaşa qatar vağzalının bilet kassasında çalışan qırx yaşlarında bir qadındır. Əri siyasi keçmişi üzündən çox çətin günlər keçirmişdir; Şükran oğlu Veyseli (Ruhi Sarı) siyasətdən uzaq tutmağa çalışır. Bir gün Veysel itir. Şükran səlahiyyətlilərə müraciət edir, lakin hər dəfə rədd edilir. Veyselin sevgilisi Şule (Devin Özgür Çınar) oğlunun öldürüldüyünü deyir, ancaq Şükran inanmır. Aldığı məlumatlarla oğlunun Mardində olduğuna inanır və onu axtarmaq üçün həmin şəhərə gedir. Heyətdə Meral Okay Meleki, Cezmi Baskın Muzafferi, Sermet Yeşil Halili, Michael Mendl Gerhardı oynayır.

Film festivalda yarışarkən Nəzarət Alt Komissiyası tərəfindən məqbul sayılmamış, lakin Nəzarət Ali Komissiyası istismar vəsiqəsi verilməsinə qərar vermişdir. Zuhal Olcay İstanbul Film Festivalında və SİYAD mükafatlarında ən yaxşı qadın aktrisa seçilmiş, film Monrealda Münsiflər Heyətinin Xüsusi Böyük Mükafatını almışdır.