Cazibə Xanımın Gündüz Xəyalları (Cazibe Hanımın Gündüz Düşleri) (tərcümə)

Türk istehsalı Cazibe Hanımın Gündüz Düşleri 1992-ci ildə İrfan Tözümün rejissorluğu ilə çəkildi. Film reallıq ilə xəyal arasındakı xətti itirən tənha bir qadının hekayəsini danışır. Ssenarisi Macit Kopera məxsusdur, prodüserliyi Tözümün özü üstlənib; istehsal şirkətləri arasında Muhteşem Film və Kanal 6 görünür. Film nümayişə çıxdığı il böyük bəyənmə topladı və festivallardan çoxsaylı mükafatla qayıtdı.

Otuzlu yaşlarının sonuna gəlmiş, gözəl, lakin evdə qalmış Cazibe, anası Füruzan ilə ona gizli bir ehtirasla bağlı olan dayısı Behçetin üzündən ona elçi düşənləri geri çevirməyə məcbur qalmış və gənc qızlığını ağır təzyiq altında keçirmişdir. Yeganə sığınacağı kiçik otağıdır; bütün vaxtını orada, köhnə məktəb yoldaşı sevgilisinə dair xəyallar quraraq keçirir. Bir gecə Kürşat gizlənmək üçün bu evə girir. Cazibe xəyalındakı sevgilinin bu ziyarətə qısqanacağını sanır və onun yanında olduğunu xəyal edərək Kürşatla birlikdə olur. Ertəsi gün Kürşatın qoyduğu vida məktubunu tapanda əsəb böhranı keçirir; xəyalla reallığın sərhəddi artıq tamamilə silinmişdir.

Cazibeni Hale Soygazi, Kürşatı Uğur Polat canlandırır. Heyətdə Füruzan rolunda Suna Selen, Behçet rolunda Macit Koper, həmçinin Nüvit Özdoğru, Can Kolukısa, Halil Ergün, Salih Kalyon və Yaman Okay yer alır. Operator Aytekin Çakmakçıdır.