Ov Mövsümü (Av Mevsimi) (tərcümə)

Türk filmi Av Mevsimi 3 Dekabr 2010-da nümayişə çıxdı. Ssenarisini yazan Yavuz Turgul eyni zamanda rejissordur; prodüserliyi Fida Film üstlənmişdir. Film altı Avropa ölkəsində də göstərildi və 2010-un ən çox gəlir əldə edən Türk filmləri arasında yer aldı. Baş rolları Şener Şen, Cem Yılmaz və Çetin Tekindor bölüşür.

Hekayə, qətl şöbəsində çalışan üç polisin ətrafında formalaşır. İdarədə kiçik miqyaslı əfsanə sayılan, təcrübəsi və intuisiyası ilə tanınan Fermanı, yəni “Avcı”nı Şener Şen oynayır; Ferman həyatını xəstə arvadına həsr etmişdir. Baxışları ilə belə ləqəbinə layiq olan “Dəli” İdrisi Cem Yılmaz canlandırır və İdris, boşandığı arvadı Asiyeyə (Melisa Sözen) hələ də ehtirasla bağlıdır. Antropologiya məzunu sakit çömez Hasan isə Okan Yalabıkdır. Gənc bir qızın ölümü üçlüyü narkotik taciri Asitlə (Rıza Kocaoğlu), Türkiyənin ən zəngin iş adamlarından Battal Çolakzade ilə (Çetin Tekindor) və qızın ağabəyləri Abbas ilə Vakkasla üz-üzə gətirir. Bu istintaq üç polisin həyatını bir daha əvvəlki hala qayıtmayacaq şəkildə dəyişdirir.

Çəkilişlər aprelda başladı, 51 gün çəkdi və iyunda bitdi. Operator Uğur İçbak, musiqi Tamer Çıray, prodüserlər Jeffi Medina ilə Murat Akdilekdir; distribyutoru Warner Bros-dur.