Ağrıların övladı (Acıların Çocuğu) (tərcümə)

Acıların Çocuğu 1985-ci il istehsalı olan Türk arabesk melodramasıdır. Ümit Efekanın çəkdiyi filmin ssenarisi Erdoğan Tünaşa, prodüserliyi Şahin Dilbaza məxsusdur. Film Kerem Film imzalıdır. Filmin baş rolunu o illərin arabesk melodramaları ilə tanınan Küçük Emrah öz üzərinə götürür və rolun adı da öz adıdır.

Hekayə həyat yoldaşının və uşaqlarının dolanışıq pulunu qumar masalarında itirən bir atanın təqsir hissi ilə intihar etməsi ilə başlayır. Geridə qalan Elvan (Özlem Onursal) üç uşağına baxa bilmək üçün dostunun da yönləndirməsi ilə qadın alveri bazarının içinə düşür. Digər uşaqlar kiçikdir, lakin Emrah baş verənlərin fərqindədir; anasının qazandığı pulu qəbul edə bilmir və evdən ayrılır, özünə sahib çıxan bir ailənin yanında yaşamağa başlayır. Elvanın evdə olmadığı bir gecə çıxan yanğında ev kül olur. Uşaqlarını itirdiyini sanan gənc qadın ağlını itirir və xəstəxanaya yerləşdirilir; halbuki uşaqların cəsədləri tapılmamışdır. Emrah isə yoxsulluq içində həyatın çətinlikləri ilə mübarizəsini davam etdirir.

Heyətdə Tuğrul Meteer (Kemal), Süleyman Turan (Emrahın atası), Aliye Uzunatağan (Songül) və Sümer Tilmaç (Yusuf) kimi aktyorlar yer alır. Operator Kenan Kurt, musiqi məsul şəxsi Uğur Bayardır.