Bardhë e zi (Siyah Beyaz) (përkthyer)

Siyah Beyaz është një film dramatik turk i vitit 2010, shkruar dhe drejtuar nga Ahmet Boyacıoğlu, dhe është puna e parë me metrazh të gjatë e regjisorit. Filmi, që e merr emrin nga bari Siyah Beyaz, prej më shumë se njëzet vjetësh pikë takimi e artit dhe e jetës intelektuale në Ankara, rrëfen historitë e ndërthurura të klientëve të rregullt që mblidhen çdo mbrëmje në këtë vend.

Mes personazheve janë një piktor që, edhe pse ka mbushur shtatëdhjetë vjeç, ende nuk është qetësuar (Tuncel Kurtiz), një avokat që kërkon një jetë të qetë pas një ataku në zemër (Erkan Can), një mjek i braktisur nga gruaja (Nejat İşler), një afariste që e ka bërë vetminë mënyrë jetese (Şevval Sam) dhe Faruku, pronari i ashpër por i dashur i barit (Taner Birsel). Sipas Boyacıoğlu, filmi flet për vetminë, plakjen, miqësinë, solidaritetin dhe lidhjen e veçantë me Ankaranë. Filmi, prodhim i Akman Film, doli në shfaqje më 23 prill 2010 dhe mori pjesë në festivalin e 47-të të filmit Portokalli i Artë i Antalyas dhe në festivalin e 59-të të filmit Mannheim-Heidelberg.