Bardhë e zi (Siyah Beyaz) (përkthyer)

Ahmet Boyacıoğlu e bëri në vitin 2010 dramën turke Siyah Beyaz, filmin e tij të parë me metrazh të gjatë, të cilin e shkroi dhe e drejtoi vetë. Filmi, rreth 90 minuta, merr emrin nga Siyah Beyaz Bar ve Sanat Galerisi në Ankara; edhe historia zhvillohet në atë vend. Bari llogaritet prej më shumë se njëzet vjetësh si një nga simbolet e jetës artistike e intelektuale të qytetit. Boyacıoğlu ka thënë se e ka ngritur filmin mbi vetminë, plakjen, miqësinë, solidaritetin dhe lidhjen e veçantë me Ankaranë. Filmi doli në ekran në mbarë Turqinë më 23 prill 2010 dhe u përzgjodh për festivalet e filmit Altın Portakal në Antalya të 47-të dhe Mannheim-Heidelberg të 59-të.

Klientët e rregullt të barit janë në qendër të historisë dhe bari është për ta një lloj porti i fundit. Piktorin (Ahmet Nihat) që, edhe pse u bë shtatëdhjetë vjeç, nuk është qetësuar dhe i mbetet besnik idealeve, e luan Tuncel Kurtiz. Avokatin që pas infarktit e le punën dhe kërkon një jetë të qetë e luan Erkan Can, mjekun e lodhur nga profesioni dhe të lënë nga gruaja e luan Nejat İşler. Në rolin e Aytenit, gruas së biznesit, që e ka shndërruar vetminë në stil jetese, është Şevval Sam. Pronarin e barit Faruk, të vrenjtur e të ofenduar lehtë por zemërbutë, e luan Taner Birsel, Nilgünin Derya Alabora; Muzaffer Özdemir e luan Sessiz Adam.

Prodhues janë Başak Emre, Ali Akman dhe Boyacıoğlu; kompania prodhuese Akman Film, shpërndarës Tiglon. Drejtor i fotografisë është Özgür Eken, firmat e muzikës Onur Yüce dhe Cem Anıl.