Rruga e Vdekjes (Ölüm Yolu) (përkthyer)

Ölüm Yolu është një film policor-aventuresk turk i vitit 1985, me regji të Halit Refiğ dhe prodhim të Türker İnanoğlu, me skenar të Fuat Özlüer dhe Erdoğan Tünaş. Drejtor i fotografisë ka qenë Çetin Gürtop dhe filmi është shfaqur për herë të parë në vitin 1986.

Historia fillon me një grup të burgosurish - me Mehmet-in në krye, i interpretuar nga Kadir İnanır - të cilët, duke përfituar nga aksidenti që pësuan gjatë transportit në burg, arratisen dhe marrin peng një grua të re, Zeynep (Hülya Avşar). Ndërsa arratisurit fshihen në një zonë malore dhe kërkojnë shpërblim nga familja e Zeynep-it, qëndrimi mbrojtës i Mehmet-it ndaj saj, përkundër egërsisë së shokëve të tij, shndërrohet në një afërsi të papritur mes dy të rinjve. Arratisja, e cila vazhdon me bastisje policore, tradhti dhe humbje, përfundon me ndarjen tragjike të çiftit. Në kastin marrin pjesë gjithashtu Tanju Gürsu dhe Sümer Tilmaç.