Jashtë rrugës (Offroad) (përkthyer)

Offroad (me nëntitullin gjermanisht Pack das Leben bei den Hörnern, pra “kape jetën për brirësh”) është një komedi gjermane dhe film udhëtimi i vitit 2012. Regjisori Elmar Fischer e shkroi skenarin së bashku me Susanne Hertel. Prodhimi doli nga kompania Claussen+Wöbke+Putz Filmproduktion, e drejtuar nga Jakob Claussen dhe Uli Putz. Kohëzgjatja rreth 98 minuta. Xhirimet u bënë në tetor dhe nëntor të vitit 2010 në Berlin, Düsseldorf dhe Geilenkirchen.

Heroina e historisë, Meike nga Geilenkirchen-i, gjen pesëdhjetë kilogramë kokainë nën panelin anësor të një xhipi që e ka blerë në një ankand. Meike, që në të njëjtat ditë mëson se i fejuari e ka tradhtuar, vendos ta shesë drogën dhe ta nisë jetën nga e para; por në llogari nuk i ka futur policinë dhe shitësit e vërtetë të drogës. Meiken e luan Nora Tschirner. Në kast, përveç Elyas M'Barek, Maximilian von Pufendorf, Leslie Malton dhe Nora Binder, janë edhe Dominic Raacke, Axel Milberg, Daniel Krauss, Bernd Stegemann, Constantin von Jascheroff dhe Heiko Pinkowski. Aktori turk Aykut Kayacık shfaqet gjithashtu në film.

Filmi, që mori nga kritikët nota nga të përziera deri te negative, ia doli mirë në arka: me rreth 421 mijë shikues u fut në vitin 2012 mes njëzet prodhimeve vendase më të ndjekura në Gjermani.