Pranvera që nuk erdhi kurrë (Gelmeyen Bahar) (përkthyer)

Trysnia e traditës së nderit, vrasjet për nder dhe dhuna ndaj grave janë në qendër të dramës turke Gelmeyen Bahar. Filmi doli në kinema veçanërisht më 8 mars 2013, Ditën Botërore të Grave, me qëllim që të tërhiqte vëmendjen ndaj zullumit ndaj grave. Prodhimin e ka marrë përsipër Yağmur Yapım. Në karrigen e regjisorit është Emrah Erdoğan (İpek), i njohur me pseudonimin «Küçük Emrah»; filmi është përvoja e tij e parë në regji.

Historia rrotullohet rreth njerëzve të hedhur sa andej-këtej nga një dashuri e pamundur dhe ndjek pyetjen se si një dashuri e pafajshme mund t'i errësojë jetët. Personazhi qendror është Bahar, një punëtore fabrike tetëmbëdhjetëvjeçare. Fatin e vajzës së re, që ka ëndrrat e veta, ia ka vizatuar paraprakisht familja e saj: Baharit, të ngërthyer mes një nëne të heshtur, një babai të pensionuar që kërkon lumturinë jashtë shtëpisë dhe një vëllai më të madh të papunë, xhaxhai i saj i njofton se planifikon ta martojë me të birin. Rolet kryesore i ndajnë Ayten Uncuoğlu dhe Orhan Alkaya; në ekip janë edhe Hasan Küçükçetin, Beyza Şekerci, Ayşe Kökçü dhe Turgay Tanülkü.

Skenarin e ka shkruar Emrah Erdoğan me Tarkan Ateşmenin. Filmi nuk u prit mirë nga shtypi; një kritik shkroi se televizioni e kishte shterur temën vite më parë, ndërsa filmi i qaset çështjes me një vështrim jashtë kohe, afër parodisë.