Mirupafshim Katya (Elveda Katya) (përkthyer)

Elveda Katya është një film dramë, bashkëprodhim turko-rus, të cilin e ka regjizuar Ahmet Sönmez dhe që doli në ekrane më 21 dhjetor 2012. Historia e filmit, e bazuar në një ngjarje të vërtetë, zhvillohet në Trabzon.

Katya, e rritur në një jetimore, vjen në Turqi për t'u njohur me babain e saj, kapitenin e anijes nga Trabzoni, Yunus, pasi mëson se ai është babai i saj. Por kapiten Yunusi nuk e pranon dot faktin që kjo vajzë e re ruse është fëmija e tij. Thashethemet që përhapen përreth dhe reagimi i familjes e vënë Katyan në vështirësi të mëdha. Me mbështetjen e Velit, djalit të Yunusit, i vetmi që i beson asaj, hapet një padi për njohjen e atësisë; fati i padisë përcaktohet nga një letër që Nadya, nëna e Katyas, e kishte shkruar përpara se të vdiste.

Në rolet kryesore janë Kadir İnanır, Anna Andrusenko dhe Caner Cindoruk, ndërsa në film luan edhe Rüçhan Çalışkur. Prodhimi u vlerësua në Festivalin e 49-të Ndërkombëtar të Filmit Portokalli i Artë të Antalias me çmimet Muzika më e Mirë, Aktorja më e Mirë dhe çmimin e Këshillit të Qytetit të Antalias.