Kinematë e mia (Benim Sinemalarım) (përkthyer)

Benim Sinemalarım është një film dramatik turk i vitit 1990, i drejtuar bashkërisht nga shkrimtarja Füruzan dhe piktorja Gülsün Karamustafa. Filmi, i përshtatur nga tregimi me të njëjtin emër i Füruzanit, spikat jo vetëm si prova e parë në regji e të dyja artisteve, por edhe si shembulli i parë dhe i vetëm në kinemanë turke ku regjia është marrë përsipër bashkërisht nga dy gra. Rolet kryesore i ndajnë Hülya Avşar dhe Yaman Okay.

Filmi tregon historinë e Nesibesë, një vajze të re e palumtur që jeton në varfëri në një lagje periferike të İstanbulit në vitet 1960; ajo përpiqet t’i shpëtojë jetës së vet duke u zhytur në botën magjike të filmave. Prodhimi u bë një nga tetë filmat e pëlqyer mes 118 filmave në seksionet Java e Kritikës dhe Kamera e Artë të Festivalit të Filmit në Kanë të vitit 1990, fitoi në vitin 1991 Çmimin Special të Jurisë për filmin e parë më të mirë në Festivalin e Filmit Fajr dhe u shfaq në Tokio ndër dhjetë filmat më të mirë aziatikë.