İki Gənc Qız (İki Genç Kız) (tərcümə)

İki Genç Kız, Kutluğ Atamanın yazıb rejissorluq etdiyi, Perihan Mağdenin 2002-ci ildə nəşr olunan İki Genç Kızın Romanı adlı əsərindən uyğunlaşdırılan 2005-ci il istehsalı türk filmidir. Beynəlxalq nümayişlərdə 2 Girls adı ilə tanınan istehsalın prodüserliyini Gülen Güler Hurley öz üzərinə götürmüş, orijinal musiqilərini eksperimental qrup Replikas hazırlamış və bu musiqilər 2006-cı ildə Film Müzikleri albomunda yayımlanmışdır.

Film, İstanbulda yaşayan və fərqli sosial təbəqələrdən gələn iki gənc qızın, Handan (Vildan Atasever) ilə Behiyenin (Feride Çetin) yaxınlaşan və getdikcə kövrələn münasibətini danışır. Yaşadıqları həyatdan razı olmayan ikili, Avstraliyada yaşayan atasının yanına getməyi arzulayan Handanın qaçış planına bağlanır. Handanın anası Leman (Hülya Avşar) isə bu dostluğu qısqanaraq əngəlləməyə çalışır. Lezbiyenlik mövzusunu romandakı realizmə sadiq qalaraq ələ alan film, başda Altın Portakal olmaqla milli və beynəlxalq bir çox festivalda mükafat qazanmışdır.