Burçin Abdullah

Burçin Abdullah — Tərcümeyi-hal

Burçin Abdullah 22 iyul 1987-ci ildə Bursada anadan olub. Mərmərə Universitetinin İngilis dilli İqtisadiyyat bölməsini bitirmişdir.

Aktyorluğa uşaq yaşlarından başlayan Abdullah 1997-ci ildə Acı Günler serialında çəkilmiş, 2000-ci ildə isə Üvey Baba serialında canlandırdığı Lamia personajı ilə tanınmışdır. Büyük Buluşma (2004), Beşinci Boyut (2005), Kara İnci (2007) və Kollama (2008) seriallarında da rol almışdır.

2011-ci ildə Fatmagül'ün Suçu Ne?, 2012-ci ildə isə Bir Zamanlar Osmanlı, Dila Hanım və Kötü Yol seriallarında oynamış; Selam (2013) filmində Zehra personajını canlandırmışdır. 2014-cü ildən TRT1-də yayımlanan Diriliş Ertuğrul serialında Helena obrazı ilə izləyici qarşısına çıxmışdır.

Ankara Yazı: Veda Mektubu (2016) filmində Yasemini, Adam Mısın! (2016) filmində Nazlını oynayan aktrisa, 2021-ci ildə Kalp Yarası serialında Leman Sancakzade personajına həyat vermişdir.