Ankara yayı: Vida məktubu (Ankara Yazı Veda Mektubu) (tərcümə)

Kemal Uzunun çəkdiyi, Deniz Aydenkin ssenarisini yazdığı Türkiyə dram filmi Ankara Yazı Veda Mektubu 2016-cı il istehsalıdır. TRT, Gala Film və Altın Kozanın prodüserliyi ilə çəkilən film 6 may 2016-cı ildə nümayişə çıxmışdır; çəkilişlər Adana və ətrafında aparılmışdır.

Hekayə 12 Sentyabr çevrilişi dövründə cərəyan edir. Ahmet və Zeynep Pehlivanoğlunun oğlu Mustafa, Balgat Qətliamı kimi anılacaq bir hadisənin faili olduğu iddiası ilə saxlanılır. Ağır işgəncə altında və nişanlısı Yaseminə yönəlmiş təhdidlərlə törətmədiyi cinayəti qəbul etməyə məcbur edilən Mustafa, məhkəmədə həqiqəti deyir və ifadəsinin zorla alındığını danışır. Lakin edam edilən Nejdet Adalıya qarşılıq bir tarazlıq yaratmaq istəyən xunta rəhbərliyi Mustafa üçün də edam hökmü verir.

Ailəsi oğullarını xilas etmək üçün qaçış planı hazırlayır; Mustafa həbsxanadan qaçmağı bacarır, lakin nişanlısı ilə vidalaşmaq istəyərkən məlumat verilərək yenidən tutulur. Ana və atası onu görməyə getdikdə Mustafanın günlər əvvəl səssizcə edam edildiyini öyrənir. Filmdə Gürkan Uygun Ahmeti, İpek Tuzcuoğlu Zeynepi, Münir Can Cindoruk Mustafanı və Burçin Abdullah Yasemini canlandırır.