Toka është hekur, qielli është bakër (Yer Demir Gök Bakır) (përkthyer)

Yer Demir Gök Bakır është një film dramë, bashkëprodhim turko-gjerman i vitit 1987, i përshtatur nga romani me të njëjtin emër i Yaşar Kemal-it. Zülfü Livaneli, i cili shkroi skenarin së bashku me Yaşar Kemal-in, mori përsipër edhe regjinë dhe prodhimin e filmit, dhe kompozoi edhe muzikën origjinale. Në rolin kryesor gjendet Rutkay Aziz, ndërsa në kast marrin pjesë edhe Macide Tanır dhe Serap Aksoy.

Filmi trajton ngritjen në gradën e shenjtorit, ende gjallë, të Taşbaş-it, i cili bënte një jetë të zakonshme në një fshat mali të Anadollit, si pasojë e legjendave që përhapeshin mes fshatarëve. Prodhimi, me kohëzgjatje 94 minuta, bëri premierën më 4 maj 1987 në seksionin Un Certain Regard të Festivalit të Filmit të Cannes-it, fitoi Çmimin OCIC në Festivalin e Filmit të San Sebastián-it, dhe i solli drejtorit të fotografisë Jürgen Jürges Çmimin Gjerman të Kamerës.