Mërgimi i Madh i Kaukazit (Büyük Sürgün Kafkasya) (përkthyer)

Büyük Sürgün Kafkasya, miniseriali dramatik historik me katër episode i transmetuar në TRT 1, mban firmën e 314 Film Yapım. Episodi i parë u shfaq më 15 dhjetor 2015, i fundit më 5 janar 2016. Xhirimet janë bërë në Maqedoni. Regjisorë janë Mehmet Ada Öztekin dhe Ümit Gürer; skenarin e kanë shkruar Ali Can Yaraş, Özge Efendioğlu, Hazar Kozice dhe Meryem Şahin.

Ngjarjet zhvillohen në vitin 1944, ndërsa Lufta e Dytë Botërore vazhdon. Rrëfehet historia dramatike e turqve të Ahıskës, të cilët për shkak të politikës së ashpër të Stalinit u shkulën nga tokat ku jetonin dhe u dërguan në mërgim: largimi i mijëra njerëzve nga atdheu, lënia e tyre pa mbrojtje dhe dhimbja e një populli të harruar. Seriali është adaptuar nga romanet Salkım Söğütlerin Gölgesinde të Fırat Sunel dhe Sınırdaki Sır të Gürsel Balcı. Ndër personazhet kryesore janë Cemili, të cilin e luan Tolga Sarıtaş, e ëma e tij Selvi (Nilüfer Açıkalın), Nino Gelashvili, të cilën e luan Elif Atakan, Safiye Demir nga Melis Birkan dhe komisari Igor nga Luran Ahmeti. Rüstem Demirin, burrin e Safiyes, në moshën e re e luan Alpay Kemal Atalan, në moshën e vjetër Mustafa Jasar.

Në distribucion janë gjithashtu Ertan Saban, Erman Saban, Merve Atılmış, Recep Özgür Dereli, Yasemin Szawlowski dhe Elyesa Kaso. Muzikën e ka bërë Hasan Özsüt, kryeoperatorin Serkan Güler.